KORONADAL CITY – Lauman pa ang mas dako nga mga balor sang damyos tuga sang pagbaha sa probinsya sang North Cotabato labi na sa sektor sang agrikultura.

Sa interbyu sang Bombo Radyo Koronadal kay Engr. Arnulfo Villaruz, ang operations head sang North Cotabato-PDRRMO, nagaguwa sa initial damage assessment sang Pikit LGU nga yara sa kapin 2,000 ektarya sang maisan kag 700 ektarya sang humay ang ginhalitan sang pagbaha.

Magluwas diri, gin-report man sang Kabacan Municipal Agriculture Office nga yara sa P10 milyon nga balor sang humay ang inisyal nga damyos tuga sang kalamidad.

Dugang ni Villaruz, ila man nga ginapreparahan ang La Niña phenomenon nga ginalauman nga magadugay tubtob Abril 2021 kun sa diin makaapekto man sa naeksperyensiyahan nga pagbaha, suno sa pagbulobanta sang PAGASA.

Sa subong padayon ang relief operations sa mga apektado nga banw samtang gin-abisuhan ang mga residente nga magbantay sa ila palibot bangud sa mga pagbaha.