KORONADAL CITY – Natumod sang mga kapulisan sa banwa sang Polomolok, South Cotabato nga financial supporter sang terror group nga Dawlah Islamiya ang isa sa tatlo ka suspek nga napatay sa separar nga operasyon sa nasambit nga banwa.

Suno kay Polomolok PNP deputy chief of police Capt. Randy Apostol, ginakilala sini ang napatay nga suspek nga si Conrado Kasabal makaligad suno pa nga magbato sa mga otoridad sa ginpatigayon nga drug buybust operation sa Brgy. Glamang.

Ginpahayag ni Capt. Apostol nga nadakpan man sadto sa isa ka buybust operation sadtong Setyembre 2017 si Kasabal sa pagpanguna sadto sang nagtaliwan nga si PSInsp. Hernan Gabat.

Nahibaloan nga magluwas kay Kasabal, patay man sa separar nga mga buybust operations sanday Leo Tuba kag Moises Sarco makaligad man nga nagpakigbato sa mga otoridad.

Narekober sa mga ini ang ila getaway vehicle kag mga armas nga ila gin-usar.