KORONADAL CITY – Nagluntad ang isa panibag-o naman nga suicide insident sa syudad sa Koronadal partikular na sa bahin sang Purok Bagong Tuklas,Brgy Caloocan ,Koronadal City nga natukiban kagina sang alas 7 sang aga.

Ini ang ginkumpermar mismo ni nanay Nora, iloy sang biktima sa interview sang Bombo Radyo Korondal.

Suno kay nanay Nora, ang nagkomiter sang suicide amu ang iya nga bata nga si Pnoy 31 anyos, lalaki ,sultero kag isa ka mangunguma kag ika-2 sa 10 nya nga bata.

Base sa pahayag ni Nanay Nora, wala sya naga dahom nga himoon sang iya nga bata ang ini nga panghitabo bangud nakita nya pa nga malipayon ini kagab-i.

Dugang pa sini, nakita sang isa ka miyembro sang pamilya nila nga wala na sang kabuhi si Pnoy sa iya nga payag.

Gin-usar sang biktima ang isa ka twine para sa pag-hikog sini.

Naga pahayag naman ang pila ka mga abyan sini nga madugay na nga gina hambal ni Pnoy nga mag-suicide ini apang ginkabig nila ini bilang isa ka lahog lamang.

Nahibaluan nga masadya pa nga nga-inom-inom ang biktima upod ang iya nga mga abyan apang namutikan nga masami nga may katawag ini kagab-e.

Sa subong , yara na sa punerarya ang patay nga lawas sang biktima kag ginapreparar naman sang nabilin nga pamilya sini ang haya.