KORONADAL CITY – Nagapadayon ang damage assessment sang Bagumbayan LGU sa pila ka mga barangay sa nasambit nga banwa makaligad nga gindalasa sang landslide kag flashlood bangud sa pagbubo sang mabaskog nga pag-ulan.

Sa interbyu sang Bombo Radyo Koronadal kay Bagumbayan Mayor Jonalette de Pedro, ginpahayag sini nga tuman nga naapektohan sang pagbaha ang Brgy. Poblacion kun sa diin ang bug-os nga Purok Sarmiento ang partially submerged sang tubig-baha.

Magluwas diri, napagkit man ang pagtiphag sang duta sa Brgy. Titolok kag Brgy. Chua kun sa diin ginbakwit ang mga apektado nga pamilya, apesar nga may pipila na nga amat-amat nagabalik.

Suno kay Mayor de Pedro, padayon ang paghatag nila sang ayuda sa mga naapektohan sang mga kalamidad samtang ginahibalo ang kabug-osan nga damyos nga tuga sang mga ini.