-- ADVERTISEMENT --

KORONADAL CITY – Ginpakigbahin sang isa ka professor sang Notre Dame of Marbel University sa siyudad sang Koronadal ang importansiya sang 1986 People Power Revolution ukon EDSA revolution.

Suno kay NDMU Professor Julius Ubas, dako ang nangin parte sang EDSA sa kasamtangan nga pagpamuno kag kabuhi sang mga Pilipino bangud sa petsa nga ini Pebrero 25, liwat naton nga naangkon ang demokrasya.

Sa pagdumdom sini, humalin sang pagbun-ag sa iya ang administrasyon na ni anay Pangulong Ferdinand Marcos ang namat-an sini tubtub iya pag-abot sa kolehiyo kag malawig na ini katama.

Sa sulod suno pa sang 21 katuig nga pag pungko ni Marcos bilang lider sang pungsod may mga maayo kag malain man ini nga nahatag sa pungsod.

Apang bangud sa pagdata sang oppression, pagpamigos, pagpang-abusar sang mga opisyal kag kasuldaduhan nagpatigayon sang rebolusyon ang katawhang Pilipino kag nag-isa ang minilyon katawo.

-- ADVERTISEMENT --

Paagi sa EDSA revolution nga ginakabig “Bloodless revolution” tigayon nga nakakas si Marcos sa pwesto kag nauntat ang pagpamuno sang sini bilang diktador.

Amu man nga tion nga nagpanumbalik ang demokrasya sa pungsod kag liwat nahatagan tsansa ang mga katapu sang media, kag iban pa nga sektor nga tungdan ang ila obligasyon sang responsibilidad.

Kadungan sini, nagpanawagan man si Ubas sa mga kabataan sa subong nga henerasyon nga hibaluon ang maragtas sang pungsod kag makigbahin sa anuman nga programa sang gobyerno ilabi na sa pagpili sang nagakaangay kag kwalipikado nga opisyal agud nga malikawan ang pagpamintaha kag pag abusar sa posisyon.