-- ADVERTISEMENT --

KORONADAL CITY – Yara na sa kustodiya sang mga otoridad ang walo ka katapu sang Communist Terrorist Group kalakip suno pa ang isa ka IED expert matapos nga nagsungka sa mga otoridad sa Barangay Masiag, Bagumbayan, Sultan Kudarat.

Ini ang ginpahayag ni Lt. Col. John Paul Baldomar, tigpamaba sang 6th ID Philippine Army sa eksklusibo nga interbyu sang Bombo Radyo Koronadal.

Suno kay Baldomar, nagsungka ang mga rebelde bangud sa padayon nga operasyon sang militar kag kapulisan sa mga lugar nga suno pa ginapanaguan sang mga ini.

Sa bulig sang MTF-ELCAC sang Bagumbayan, 7th Infantry Batallion, Philippine Army kag Bagumbayan MPS, hilway nga nagbalik sa sabak sang gobyerno ang mga ini bitbit ang ila nga mga high powered fireamrs lakip na ang isa ka IED.

Ginpahayag sang isa sa mga nagsungka nga si Alyas Dandan, napilitan sila nga magsurender bangud sa wala gintuman sang mga NPA ang promisa sa ila kag ginakapoy na sila sa pagpanago sa kabukiran nga malayo sa ila pamilya.

-- ADVERTISEMENT --

Sa subong masobra 100 na ka mga katapu sang communist terrorist group ang nagsungka sa mga otoridad humalin sang bulan sang Enero sini nga tuig.