KORONADAL CITY- Napunggan sang mga security forces sa probinsya sang Sulu ang palno nga pagpasigabong sang terorista nga grupo sa Brgy. Walled City, Jolo, Sulu.

Sa report sang Joint Task force Sulu, nagpatigayon sang panelling ang mga government forces sa pagpanguna sang PCG EOD team sa Jolo pier sang madiskubrihan ang makaduluda nga abandonado nga bagahe sa tunga sang Harbor Master kag Maritime Police office takna alas 6:02 kagab-i.

Sa gilayon nga gindeploy ang K-9 sniffing dog nga nagpungko sa nasambit nga bagahe, sa gilayon nga ginpatigayon ang mahalong nga inspeksyon kon sa diin narekober ang duha ka electric blasting caps, isa ka rifle granade, isa ka spark plug, kag concrete nails.

Sa gilayon nga ginkordon ang lugar sang mga katapo sang 35th Infantry Batallion ang lugar.
Nagresponde man ang EOD team sang Sulu Police Provincial Office kag Jolo Municipal Police Station.