KORONADAL CITY – Mas ginpahugtan ang pagbantay sang mga otoridad batok sa mga terror groups nga nagatuga sang kalakasan sa tion sang covid-19 crisis.

Ini makaligad napunggan sang mga kapulisan ang isa naman ka hana nga pagpamomba sa Jolo, Sulu.

Sa interbyu sang Bombo Radyo Koronadal kay Jolo Vice Mayor Ezzedin Tan, nakit-an sang mga concerned citizen ang isa ka suspetsado nga butang sa tupad sang talatapan sang Philippine Coast Guard gani gilayon ini nga ginrespondehan kag ginkumpirmar sang K-9 units.

Ang nasambit nga bomba isa suno pa ka rifle grenade nga may mga lansang nga may mga lansang kag blasting device kuns a diin ginbilin ini sa isa ka bahin sang pantalan.

Ginpasigabong sang EOD team ang nasambit nga bomba sa luwas nga lugar agud indi na makahalit sa posible nga target sini.

Sa subong padayon ang pagtumod sang mga kapulisan kun sin-o ang mga suspek sa likod sa hana naman nga pagpamomba.

Madumdoman nga 15 ang napatay samtang yara sa 80 ang pilason sa twin bombings sa Jolo, Sulu sang nakaligad nga bulan.