-- ADVERTISEMENT --

KORONADAL CITY – Ginsungka sa JTF Central sa banwa sang Midsayap, North Cotabato ang yara sa 18 ka mga loose firearms nga ginalakipan sang matagtaas nga kalibre sang armas luthang. Ini ang ginkompirmar ni Lt.Col John Paul Baldomar, tigpamaba sang 6th ID, Phil.Army sa interbyu sang Bombo Radyo Koronadal.

Suno kay Baldomar, ang mga gin sungka nga armas ang naghalin sa 10 ka mga barangay kapitan nga ginapatihan suno pa nga mga armado nga residente sa nasambit nga banwa.

Ang mga gin sungka nga mga armas isa ka 5.56 Bushmaster,40mm grenade launcher,caliber 30mm Garand rifle, duha ka caliber .50mm rifles,isa ka M79 grenade launcher,2 M-14 rifles, duha ka 7.62mm Sniper rifles, isa ka caliber .30mm Sniper rifle,isa ka 12 Shotgun, isa ka caliber .38 revolver kag lima ka mga caliber .45 pistols kaupod ang mga bala sini.

-- ADVERTISEMENT --

Sa subong, nagalab-ot sa 1,500 nga loose firearms ang gin sungka sa mga otoridad sa padayon nga nagapanwagan sa kasuldaduhan nga ibalik sa kustodiya sang mga ini ang mga armas kag paga suportaran ang kalinong kag seguridad sa Mindanao.