KORONADAL CITY – Nagapangasubo ang pamilya sang isa ka 16-anyos nga babaye nga estudyante makaligad kuhaon sini ang kaugalingon nga kabuhi sa Barangay Salaman, banwa sang Lebak, Sultan Kudarat.


Sa nangin interbyu kay PLt. Mingfe Santillana, DCOP sang Lebak MPS ginkilala sini ang biktima nga si Alyas Iris, kag isa ka grade-9 student sa isa ka pampubliko nga buluthu-an sa nasambit nga banwa.


Suno sa imbestigasyon sang kapulisan, gintawag suno pa ang biktima sang iya nga tiyo agud magbulig sa hilimuon sa panimalay apang wala ini nagasabat kag naka-padlock ang puluy-an nga ginkatingala sang pamilya sini.

Kabangdanan nga ginguba suno pa ang pirtahan kag didto nalamang nakit-an nga nakabitay na ang biktima usar ang isa ka habol.


Base naman sa lolo kag lola sang biktima, antes paman natabo ang insidente, halos wala ini gaguwa sa iya nga kwarto kag mas lalo lamang ini nagpangasubo sang magka problema sa module sini saila nga buluthu-an.


Nahibaluan man nga nagbulaganay ang ginikanan sini kag may tagsa tagsa na ka kaugalingon nga pamilya.


Bangud sa paglaum nga masalbar pa ang biktima ang gindala pa ini sa balay-bululngan apang, gindeklarar nga dead on arrival sang doktor.


Sa subong ang ginahibalo pa sang kapulisan ang iban nga posible nga kabangdanan sang pagpakamatay sang biktima.
Samtang, gilayon naman ginlubong ang biktima base naman sa kultura sang mga utod nga muslim.