KORONADAL CITY – Patay ang isa ka pulis sa ginpatigayon nga buy bust operation sang PNP Counter Intelligence Task Force (CITF) makaligad magbato sa mga operatiba.

Ginkasa ang operasyon sa may Tajmia Economy Suites sa Osita Block 2, Barangay Zone 2, Koronadal City, South Cotabato sang ggintingob nga persa sang CITF sa pagpamuno ni PSupt. Joel Estaris, PNP-IG, 4th SAB kag PNP-SAF.

Ginkilala ni PNP CITF director, PSSupt. Romeo Caramat ang napatay nga pulis nga si PO1 Rommil Barcellano aliyas Banjo.

Si Barcillano ang na -assign sa PIB, South Cotabato Police Provincial Office bilang isa ka intelligence officer.

Dugang pa ni Caramat nga ang operasyon ang tuga sang ginhata nga intelligence packet sang Regional Intelligence 12.

Nakig pusilanay pa sa mga pulsi ang suspek nga nag-angkon sang multiple gunshot wounds nga gintunaan sang gilayon sini nga kamatayon.

Nahibaluan nga si Barcillano ang lider suno pa sang Banjo Barcillano Group nga involved sa pag recycle sang shabu, carnapping, akyat bahay kag gun for hire.

Nakuha sa posisyon ni Barcillano ang isa ka small heat sealed transparent plastic sachet nga ginapatihan nga shabu, P1,000 peso bill marked money, one large size transparent sachet sang ginapatihan nga shabu, 1 cal .45 pistol, magazines cash money nga masobra P5,000.00 kag posas.

Ginkumpirmar naman ni Caramat nga kalakip si Barcillano sa PNP CI watchlist.

Ang napatay na pulis ang ika anom na nga biktima sa operasyon nga ginkasa sang CITF.