KORONADAL CITY – Luyag sang pila ka mga nabiktima nga mga investors sang Kabus Padatoon nga mag-untat na sa pagpantunto ang suno pa sekretarya sang founder sang founder nga si Joel Apolinario kadungan sang panawagan nga ibalik na ang ila gin-invest nga kwarta.

Sa interbyu sang Bombo Radyo Koronadal kay alyas Madeline, ginpahayag sini nga dapat mag-untat na sa pagpangumbinsi nga magsulod sa nasambit nga investment scam si “Lizelle”.

Suno kay Madeline, nakumbinsi sila nga mag-invest sang pauna nga P20,000 sa ginpatigayon nga pagtililipon sa isa ka hotel sa Iloilo apang wala nila nakuha ang payout bangud sa nagkalain-lain nga mga alibi nga ginahimo sa pagkadelatar suno pa sang pagpaguwa sang kwarta.

Ginbuyagyag man sini nga may yara suno pa ini sang talatapan sa isa ka mall sa Iloilo kun sa diin gin-islan ang pangalan sini kag padayon nga nagahimo sang paagi agud mag-invest ang mga mabiktima sini, kun sa diin may promisa suno pa nga 60% ang balik sini kun maga-invest sang P50,000.

Samtang hangyo man sini kay Apolinario nga ibalik na sini ang kwarta nga ginkuha niya halin sa mga pumuluyo kag manabat sa layi.