TAMPAKAN, South Cotabato- Liwat nga ginpasigas ang mas ginpanami nga Giant Christmas tree kag ginakabig nga tourist spot sa banwa sang Tampakan usar ang mga recycled materials.
Sa ginpatigayon nga re-lighting ceremony, magaserbe suno pa nga“lights of hope” ang liwat nga pagpasiga sang Christmas tree sa tunga sang problema sa COVID-19.
Kag nagasimbolo man suno pa ini sang kabaskugon sang mga katawhan sang Tampakan nga atubangon ang problema tuga sang pandemya.
Nagpaguwa naman sang Resolution ang Sangguniang Bayan sang Tampakan nga nagtalana sang bag-o nga Curfew hours umpisa alas 10:00 sang gab-i tubtub 5 sang aga agud malantaw sang residente ang christmas tree kun gab-i.
Sa subong, ginadayo ang nasambit nga giant christmas tree apang ginapasiguro naman nga ginatuman ang health protocols.