KORONADAL CITY – Ginbatak na sang North Cotabato Police Provincial Office sa full alert status ang ila pagbantay sa bug-os nga probinsya.

Sa interbyu sang Bombo Radyo Koronadal kay North Cotabato Police Provincial Director Col. Henry Villar, ginhimo ang nasambit nga tikang kasunod sang pagkapatay sa hepe sang Carmen PNP nga si PMaj. Joan Resurrecion halin sa heightened alert sang nag-ibwal ang duha ka pagsigabong nga napagkit sa Jolo, Sulu.

Sa subong may ginalantaw na sila nga mga persons of interest apang wala anay ginbuyagyag kun sisin-o sila bangud nagapadayon pa ang ila imbestigasyon.

Samtang, nakahalf-mast subong ang Carmen PNP bangud sa pagkapatay ni Resurrecion sa ginrespondehan nga robbery-holdup incident sa Sitio Tawan-tawan, Brgy. Poblacion.