KORONADAL CITY– Personal nga ginbisita sang mga avid listeners halin sa Chicago, US ang waragwagab sang Bombo Radyo Koronadal. 

Kadungan ini sang pagpauli sang pamilya Ludjins sa banwa sang Sto Niño, South Cotabato. 

Suno kay Joe Ludjins, isa ka katumanan sa ila handom ang personal nga makit-an ang waragwagan sang Bombo Radyo lakip na ang mga anchormen nga mabatian lang nila sadto pinaagi sa Bombo Mobile App kag website sang Bombo.

Wala man nila ginpalampas ang tion nga mag-uyat sa drum nga trademark na sang Bombo Radyo. 

Kadugan sini, gintamyaw man nila ang mga nabilin nga himata nga avid listener sang Bombo sa Chicago nga si Voltaire Ludjins kadungan sang iya ika-37 nga kaadlawan bilang regalo.

Ginpakigbahin man sini nga dako nga butang para sa ila nga mabatian ang mga importante nga balita sa Pilipinas apesar yara sila sa iban nga pungsod pinaagi sa Bombo Radyo Philippines.