KORONADAL CITY – Ginhangkat sang anay gobernador sang South Cotabato ang mga otoridad kaangot sa pagpatay sa alkalde sang banwa sang Sto. Nino nga anay naulamid ang pangalan sa narcolist.


Sa eksklusibo nga interbyu sang Bombo Radyo Koronadal kay former governor Daisy Avance Fuentes, dapat suno pa nga pamatud-an sang mga otoridad paagi sa pagpaguwa sang mga ebidensiya nga isa ka narcopolitician ang isa ka local official kag ipaidalom sa due process agud indi mangin target sang liquidation ukon pagpatay sa mga ini.


Ini ang iya ginhatagan punto makaligad ginluthang-patay si Mayor Pablo Matinong sa pagpati nga isa ka narcopolitician ang nasambit nga alkalde.


Gin-ako man sini nga hinablos niya man ang tawo nga nakaistorya ni Mayor Matinong nga napilasan kag nalipong sa nasambit nga panghitabo.


Hugot man sini nga ginakondenar ang pagpatay sang mga suspek sa nasambit nga opisyal kadungan sa panawagan nga kuntani maangkon na ang hustisya.