KORONADAL CITY – Dismayado ang mga magagmay nga negosyante sa pagsaka sang presyo sang mga balaklon ilabi na sa mga noodles kag dilata.

Sa interbyu sang Bombo Radyo Koronadal sa mga ordinaryo nga negosyante nga nagapanag-iya sang sar-sari store, ginapahayag sang mga ini nga nagsaka sa 1 tubtob 2 ka peso ang presyo sang dilata kag mangin man sang noodles, nga masami man ginbakal sang mga pigado rason nga kinahnaglan man nila nga magpasaka sang presyo.

Kun sadto yara lamang sa P16.00 ang presyo sini, sa karon ginabaligya na nila ini sa P17.00.

Apektado man ang mga manugbakal ilabi na ang mga pigado bangud sa pagmahal sang presyo.

Samtang, aminado ang Department of Trade Industry Region 12 nga nagsaka ang presyo sang mga nagapanguna nga produkto sa merkado publiko.

Ini ang ginkumpirmar ni Mary Anne Morales, Chief sang Consumer protection division sang DTI 12 sa interbyu sang Bombo Radyo Koronadal.

Suno kay Morales, mabatyagan na gid ang pagsaka sang presyo tuga sang Tax Reform for Acceleration and Inclusion (TRAIN LAW).

Apang sa pihak sini, ginpasiguro sang man sang talatapan nga padayon ang ila monitoring agud nga sekyaron nga wala sang mga negosyante nga nagapatuman sang over pricing.

Samtang, ginpa-athag man sang DTI nga kun sino man ang madakpan nga napatuman sang masobra pa sa gintalana nga Suggested Retail Price ukon SRP ang magapangatubang sa kaso kag penalidad nga mahimo maglab-ot sa P1 Million.