KORONADAL CITY — Naglab-ot na sa masobra 200 tonelada sang isda nga tilapia na ang napatay bangud sa malapnagon nga fish kill sa Lake Sebu, South Cotabato.

Ini ang suno sa pinakabag-o nga datos nga ginpaguwa sang LGU-Lake Sebu.

Yara sa masobra P20 million na ang ginabilin nga damyos sang fish kill bangud sa kamahong ukon ang pagnubo sang oxygen level sa main lake sang banwa.

Suno kay Mayor Floro Gandam, yara sa masobra 1,000 nga fish cages ang apektado sang fish kill gikan sa tatlo ka mga barangay sang Bacdulong, T’kunel kag Poblacion.

Ginkumpirmar naman ni Mayor Gandam nga yara sa 250 ka mga mangingisda kag 45 fish cage operators gikan sa walo ka sitio sang tatlo ka barangay ang apektado.

Bangud sa fishkill, pila ka mga fish cages operators ang gilayon nga nagpatigayon sang emergency harvest nga naglab-aot sa 6.3 metric tones sang tilapia agud malikawan ang lubos nga pagkalugi.