KORONADAL CITY – Tuman ang kahadlok kag trauma ang nabatyagan sang isa ka dalagita makaligad mabiktima sang pagpangholdap sa katungaan mismo sang online class sa Prk. Silangan, Brgy. Caloocan, Koronadal City.

Sa eksklusibo nga interbyu sang Bombo Radyo Koronadal kay alyas Jean, nagapatigayon sang class attendance ang ila manunudlo sang hinali nga nagsulod ang isa ka lalaki nga armado sang armas kag kutsilyo kag nagapangayo sang kwarta sa dalagita.

Nagapabatyag ini sa iya mga kaklase kag manunudlo nga buligan siya apang kasubong nga wala nakabalo ang mga ini sa nagakatabo.

Dugang pa sini, gindala man suno pa siya sa master’s bedroom kag ginapauba sang iya nga panapton, kag nakapalagyo butang nga ginlagas siya sang suspek, samtang nagapangayo ini sang bulig.

Samtang nakapalagyo naman ang suspek sakay sang iya motorsiklo samtang nakawat ang cellphone kag kwarta sang biktima.

Base sa paglaragway ni alyas Jean sa suspek, nakasuksok ini sang itom nga jacket, nakatabon ang nawong sini kag may suksok nga helmet, may dala sang itom nga bag kag sakay sa duag nga violet nga Mio motorcycle.

Kasamtangan na nga ginaimbestigaran sang Koronadal PNP ang natabo base sa CCTV footages nga nakuha.