KORONADAL CITY- Nakatalana nga magsang-at sang position paper ang grupo sang mga mangunguma halin sa syudad sang Koronadal sa pagpanguna ni Koronadal City Agriculture and Fisheries Council Chairman Roy Moreno.

Ini kadungan sang nakatalana nga pagbisita subong nga adlaw ni Department of Agriculture Secretary William Dar sa probinsya sang South Cotabato agud tsekyaron ang kahimtangan sang mga mangunguma kag pagplastar sang mga programa sa idalom sang iya padumalahan sa ahensya.

Sa ekslusibo nga interbyu sang Bombo Radyo Koronadal kay Moreno, pila sa ila nga ilakip sa ila ipanawagan amuh ang angot sa P10 Billion nga makolekta sang DA halin sa rice tarrification nga igapanhatag suno pa sa mga mangunguma.

Luyag nila iduso nga idugang ini sa presyo sang baklanay sang produkto nga palay sang mga mangunguma pinaagi sa mga ahensya kasubong sang National Food Authority ukon NFA.

Ini makaligad wala pa sang klaro kun paano suno pa pagatungaon ukon igapanghatag sa mga mangunguma ang nasambit nga pondo.