KORONADAL CITY – Ginakabig sang isa ka covid-19 survivor nga isa ka milagro ang iya ikaduha nga kabuhi makaligad nakarekober sa pandemya nga tuga sang covid-19.

Kaangot sini wala man napunggan ni PH DR 123 ang iya emosyon kag tigayon ini nga ginsaysay sa Bombo Radyo Koronadal ang iya milagroso nga pag-ayo kag pagrekober halin sa makahalit nga balatian.

Sa eksklusibo nga interbyu sang Bombo Radyo Koronadal kay “Mama Neng”, ginsaysay sang nasambit nga survivor ang iya eksperyensiya kag kabudlay sang nalatnan siya sang covid-19.

Suno sa iya, posible suno pa nga nag-umpisa ang pagkalaton niya sa balatian samtang nagabaligya sa merkado.

Nahimo pa ini nga mag-inom sang softdrink upod ang iya apo apang sang pagka-alas 3 sang aga diri na naglain ang iya pamatyag kun sa diin masami siya ginakapoy, ginaubo kag ginahapo.

Gilayon siya nga gindangat sa klinika apang wala sang epekto ang mga bulong nga ginreseta sa iya butang nga gindangat siya sa ospital kun sa diin gin-isolate siya kag gindiretso sa ICU sa sulod sang 10 ka adlaw.

Pagsaysay pa sini nga ginatugyan na niya sa Makaako ang tanan apang padayon gihapon ang iya pagpakigbato para sa kabuhi.

Tigayon ini nga nakarekober makaligad ang 10 ka adlaw kag sa subong yara na ini sa recovery stage kag nagapaidalom na sa mandatory 14-day quarantine period.