-- ADVERTISEMENT --

Dako ang pagpati ni 2nd district Congressman Toto Mangudadatu nga ang convoy sini ang target sang mabaskog nga pagsigabong alas 6:30 sang tinalikdan nga gab-e sa Sitio Pansol Barangay Macasampen, Guindulungan, Maguindano.

Sa impormasyon nga nakuha sang Bombo Radyo Koronadal suno sa opisyal yara sa masobra sa 10 ka mga salakyan nga naka convoy ang paagi sa nasambit nga lugar sang hinali nga may ara sang kalalakihan ang nakasakay sa motor siklo ang naghaboy sang Bomba.

Ginkumpirma naman sang Hepe sang Guindulungan MPS nga isa ka sahi sang Improvise Explosive Device o IED ang naglupok, pulitika naman ang gina tan-aw nga motibo sang opisyal sa pagpasigabong apang wala nman sini matumod kun sin o nga kalaban sini sa politika ang mga kahimuan.

-- ADVERTISEMENT --

Angot sini naka heigtened alert status ang bug-os nga Guindulungan kag ang panimalay sang opisyal nga basi may posibilidad nga liwat pagahimuon ang kalautan sang mga armadong kalalakihan.

Nagpasalamat naman ang mga otoridad nga wala sang napilasan ukon napatay sa nasambit nga insidente sa karun padayun nga gina imbistigaran sang katapo sang mga atoridad kag mga bomb expert kung ano nga sahi sang Bomba ang ginpalupok samtang wala naman sang napagkit nga pilason.

Dugang pa sini nga dako ang iya ang pagpasalamat bangud wala sang ni isa sa iya convoy ang napilasan kag ginpasiguro man niya nga ginakay-o ang dalagan sang ila nga sitwasyon.