KORONADAL CITY – Nagpalab-ot sang iya nga palamangkutanon ang isa ka persona nga ginkilala kay alyas Aura sang Koronadal City kon ang iya bala ginsudlan nga loan online isa ka lihitimo ukon legal.

Suno kay Aura nga nagloan sila sang P2,000 sa sulod sang tatlo ka bulan kag may saka nga P900.

Nag-umpisa bayad sang Setyembre tuig 2019 apang wala na nakabayad sang Oktubre kag gintingob sang Nobyembre.

Sa lantaw sini nga nafully paid na ang loan apang sang Enero nakabaton ini sang text nga may yara pa sang kulang.

Tigayon nila ini nga ginsettle kag na-istoryahan nga baydan sa mas manubo nga balor ang kulang sa sulod sang duha ka bulan.

Natingala man ini nga gintingob pati na ang mga binulan kon sa diin nag-igo man ang pandemya nga covid-19.

Sa subong bangud indi na sini masarangan ang pagbayad kag nabudlayan na rason nga luyag sini mahibaluan kon nagakaigo bala ang pagpanukot sa iya sang isa ka online lending business.