KORONADAL CITY – Malinong kag matawhay ang dalanon sa Hong Kong sa pihak sang selebrasyon sang Chinese New Year subong nga adlaw. Baliskad ini sang nagliligad nga masadya kag magahud nga selebrasyon sang bag-ong tuig sang nagligad nga tuig.

Kasubong sini ginlaragway ni Bombo international correspondent Jean Gallego ang sitwasyon subong sa nasambit nga pungsod.

Dugang pa ni Gallego, wala man sang palupok ukon fireworks display subong ngagayong Chinese New Year Magluwas sini, nagtahaw man ang sitwasyon sang mga nagaprotesta nga mga pumuluyo angot sa kontrobersyal nga extradition law nga nagtugay naman sang pito ka bulan.

Suno kay Gallego nga taga-General Santos City, bangud ini sa novel-coronavirus gikan sa China kun diin may yara man sang nakumpirma nga mga kaso sa Hong Kong.

Rason nga makit-an man ang tanan nga tawo nga nagaguwa nga nagasuksok sang face masks, raincoat kag goggles.

Ginpasiguro man ni Gallego sa iya nga mga himata diri sa Pilipinas nga luwas ang iya sitwasyon bangud nagahalong man ini agud nga indi malatnan sang nasambit nga sakit.