KORONADAL CITY- Padayon naman nga nagapaayo sa isa ka pribado nga balay bululngan ang menor de eda nga biktima sa pagpangulata sang halos 15 ka mga indibidwal sa banwa sang Bagumbayan, Sultan Kudarat.


Suno kay Analyn Celindro,isa ka OFW kag iloy sang biktima sang pagpangulata nga si Harold Hombre, apisar luyag na sini makita ang iya nga bata ang wala siya mahimo bangud sa yara ini sa luwas sa pungsod.


Tuman suno pa ka makasubo para sa isa ka iloy ang mabal an nga yara sa malain nga kahimtangan ang imo nga bata.
Kun madumduman nga nga love triangle suno pa ang motibo sa nasambit nga pagpangulata.


Apang, suno kay Analyn ang ginpanginwala ini sang iya nga bata bangud sa wala suno pa siya nakakilala sa mga nasambit nga nagpangulata.

Paglaum nalamang sini nga mahatagan sang hustisya ang natabo saiya nga bata bangud indi suno pa ini kabaton baton.
Sa subong, padayon gyapon ang hot pursuit operation sang kapulisan batuk sa mga nakahilway pa nga suspek.