KORONADAL CITY – Nagapanawagan ang Catholic Bishops Conference of the Philippines- National Secretariat on Social Action (CBCP-NASSA) kag ang Diocese of Kidapawan nga makaangkon sang patas kag maid-id nga imbestigasyon kasunod sang pagkapatay sang 9 ka tawo sa pagpangluthang sa Kabacan, North Cotabato.

Suno kay Kidapawan Bishop Jose Colin Bagaforo, ginpahayag sini nga nagahugpong siya sa BARMM government sa pagkondenar sa nasambit nga panghilitabo kag makaangkon sang maid-id nga imbestigasyon kun sa diin ginpangluthang sang mga suspek ang mga biktima sa bahin sang USM granary and machinery sa Brgy. Aringay usar suno pa ang mga matag-as nga mga kalibre sang armas luthang.

Suno kay Bagaforo, nagapanawagan ini sa gobyerno nga buligan ang mga nabilin sang mga biktima nga maangkon ang hustisya kag ginapangamuyo sini nga indi na kuntani magresulta pa sa mas bayolente nga mga panghilitabo ang amo nga insidente.

Madumdoman nga gindihon sang North Cotabato PNP ang special investigation task group nga magatutok sa pag-imbestigar sa nasambit nga kaso.