KORONADAL CITY – Ginakabig nga kulukasubong nga daw impyerno sang ginlaragway sang OFWs ang nagluntad nga wildfire sa California bangud tuman ka lapad ang gintuga sini sa nasambit nga lugar
.Sa interbyu sang Bombo Radyo Koronadal kay international Correspondent Anne Ligo, OFW sa nasambit nga lugar kag tumandok man ini sang Lutayan, Sultan Kudarat, ginakabig nga daw gab-i ang kada adlaw bangud sa kadamolon nga aso nga nagabalot diri, labi na sa Bobcat nga naka ekspiryensya sang brush fire.
Magluwas sa malapad nga kalayo, nagakabalaka sila sa nagapadyon nga dry season kag ang pag abot sang mabaskog nga hangin nga mas magpadugang pa sa nasambit nga kalamidad.

Nahibaluan nga nagalab-ot sa 45 degrees celcius ang nabatyagan nga kainit sang mga pumuluyo bangud sa wildfire.
Kong madumduman nag umpisa ang wildfire sa gender reveal party sa San Bernardino kong sa diin ang pagsigabong ang nangin rason nga paglapta sang kalayo.