KORONADAL CITY – Tigayon nga ginpaidalom sa granular lockdown ang Brgy. San Jose umpisa subong nga adlaw.
Suno sa abiso sang barangay, tinutuyo sang nasambit nga tikang ang pagpatigayon sang contact tracing, kun sa diin apektado diri ang mga Prk. Rizal kag mga bahin sang Mabinuligon.
Bangud sini, mangin sirado anay ang provincial roads nga sakop sang nasambit nga mga purok, temporaryo nga pagasirad-an ang mga tindahan nga nalakip sa mga apektado nga mga lugar, kag ginapangabay ang mga motorista nga mag-reroute sa M5CES road kun padulong ang mga ini sa mga banwa sang Columbio, Supon, kag Cadidang.