KORONADAL CITY – Ginaistoryahan sa subong ang isa ka bag-o bun-ag nga kanding nga pinasahe ang dagway sa Barangay Topland siyudad sang Koronadal.

Suno sa mga nakakita, ang amo nga kanding ang may isa lamang ka dako nga mata nga makumparar sa karakter ni cyclops.

Ang pinasahe nga dagway nga ini sang kanding ang nagtuga naman sang pagkatingala sa nagapanag-iya sini kag mismo sa mga residente sa nasambit nga lugar.

Suno kay Christian Bacas Dacquel nga utod sang tag iya sang kanding, kasubong nga ailien ang ila panan-awan sini kag subong lamang sila makakita sang nasambit nga kanding.

Apang suno kay City Veterinarian Charlemaigne Calo posible nga may abnormalidad ang kanding bangud sa excessive genes tuga sang congenital abnormalities sang amo nga sapat.

Suno naman sa iban nga mga veterinarian normal lamang nga nagakatabo ang kasubong sini nga ang isa ka sapat makaangkon sang pinasahe nga itsura sa tion nga may abnormalidad ini.