POLOMOLOK, SOUTH COTABATO – Patay ang apat ka mga katapu sang locak terrorist group nga Dawlah Islamiyah sa nagluntad nga shootout sa Purok Maguindanao, Barangay Lumakil, Polomolok, South Cotabato.
Ini ang ginkumpirmar ni Police Capt Rommel Hitalia, deputy COP sang Polomolok PNP sa interbyu sang Bombo Radyo Koronadal.


Suno kay Hitalia, nagpatigayon sila sang operasyon kaina pasado-alas-6 sang aga agud nga eserbe ang apat ka warrant of arrest sa mga most wanted sa nasambit nga lugar.


Ginkilala ang mga napatay nga sanday Muadz Modjie, Noel Castrana, Amir Pagalangan kag Uto Alangan nga lunsay mga residente sang lugar kag madugay na nga ginapangita sang mga otoridad.
Sang iserbe suno pa sang operating team ang mga arrest warrant, nagbatao sa mga otoridad ang mga suspek nga armado sang matag-as nga kalibre.

Ginaaligar bomb expert nga nag-ako nga nagpaidalom ini sa training sa paghimo sang IED


Gindala pa sa Polomolok Municipal Hospital ang mga pilason apang dead on arrival na ang mga ini.
Wala naman sang may napilasan sa bahin sang mga otoridad.


Samatang, arestado naman ang suno pa bomb maker ukon IED expert nga ginkilala kay Daryl Simbrial nga nag-ako nga nagpaidalom ini sa training sa paghimo sang bomba.


Nahibaluan nga ang isa sa mga napatay nga suspek ang ginatudlo man nga responsable sa pagpangarnap sang motorsiklo kahapon sa nasamabit man nga banwa kun diin ginluthang-patay sini ang biktima.