KORONADAL CITY- Naka-angkon sang nagkalain-lain nga reaksyon ang nangIn panindugan sang isa ka animal activist angot sa mga lamok.

Ini bangud nagapati si Aymeric Caron, isa ka French Radio and TV Personality nga kun kadton ang sang lamok ang isa ka persona, indi nya ini dapat nga patyon kag sa baylo dapat nga pabay-an ang mga ini sa pagkwa sang dugo.

Isa ka supporter sang animal rights kag isa man ka vegetarian humalin pa sang 1990s si Caron.

Pahayag sini, dapat lang nga tapnaon ang lamok kun yara ini sa mga risky ukon delikado nga lugar kasubong sang Africa kun sa diin suno pa madamo sang kaso sang malaria.

Kag kun indi man suno pa delikado, dapat suno pa nga pakan-on man sang tawo ang lamok pinaagi sa iya nga dugo kag ini ang ginakabig nya man bilang isa ka sahi sang blood donation.

Nagpanindigan man ang 47-anyos nga journalist ang pagpatay sa mga lamok ang indi manami nga ideya.

May laygay man ini sa mga persona nga nakagat sang lamok nga bulngon na lang ini sang natural repellents kasubong suno pa sang citronella, ahos kag sang lavender oil.

Bangud sini, madamo nga mga grupo ang nagdis-ayri diri.

Suno kay Toni Vernelli, head sang Animal Equality Group ang mga pahayag ni Caron ang wala sang kaangtanan sa animal welfare campaign.

Si Caron suno pa ang tuman ka layo sa iban nga mga aninmal rights activists.

Samtang, suno naman sa official website sang World Health Organization, nagpaandam ini sa tanan nga ang mga lamok ang isa sa deadliest animals sa kalibutan bangud nagadala kag nagalapta ini sang balatian kasubong sang dengue, Zika, yellow fever kag iban pa.