-- ADVERTISEMENT --

KORONADAL CITY – Ginpasaka sang AFP ang alerto sa bug-os nga South Central Mindanao sa posible nga retaliatory attack sang Daulah Islamiya Terrorist Group matapos nga mapatay ang bag-o nga amir sang mga ini kag 5 ka iban pa sa duha ka magkasunod nga engkwentro sa Maguinadao.

Ini ang ginpahayag ni Lt. Col John Paul Baldomar, tigpamaba sang 6ID Philppine Army sa interbyu sang Bombo Radyo Koronadal.

Suno kay Baldomar, ginalauman nila na nila ang pagtimalos sang mga myembro sang Daulah Islamiya bangud sa pagkapatay ni Kumander Asim Karinda alias Abu Azim, ang bag-o nga lider sang terorista nga grupo sa engkwentro nga nagluntad sa tunga sang mga ini kag sang Joint Task Force Central sa Barangay Dabenayan, Mamasapano, Maguindanao.

Si Azim ang isa ka IED expert kag maayo eksperto nga chemist sang mga terorista nga responsable man sa mga serye sang pagpamomba sa nagkalain-lain nga lugar sa Mindanao.

Magluwas kay Azim, 4 pa ka mga tinawo sini ang napatay makaligad ang masobra isa ka oras nga pagkambyuhanay sang lupok.

-- ADVERTISEMENT --

Ginkilala ang mga napatay nga sandau Fahad Salipada alias Naz, close-in security ni Salahudin Hasan; Hamsallah Ganoy Salangani; Salah Salipada; kag isa ka alias Tatoks.

Una diri, napatay man sa engkwentro sa bahin sang Sitio Ulangkaya, Brgy Ganta, Shariff Saydona Mustapha, Maguindanao sang Disyembre 1 ang bata sang isa sa mga sub-leader sang grupo nga si alias Adsam nga involbado sa nagkalain-lain nga kalakasan sa Mindanao.

Narekober sa mga ini ang matag-as nga kalibre sang armas, mga bala, IED paraphernalias kag mga subersibo nga dokumento.

Sa subong nagapati ang militar nga mahuyang na ang grupo apang kinahanglan sa gihapon nga mangin vigilante sa posible nga himuon sang mga terorosta.