KORONADAL CITY – Nagpangayo sang bulig ang abyan ni Jeanelyn Villavende nga si Roda Mae Magtulis nga kun tani masalbar man ini sa iya mapintas nga employer.

Ini ang nangin pahayag ni Alyas Mary Joy, isa man ka OFW sa Kuwait nga nangin abyan ni Roda Mae kag kapamilya sang napatay nga domestic helper nga si Jeanelyn Villavende sa interbyu sang Bombo Radyo Koronadal.

Ginpakigbahin ni alyas Mary Joy ang ginsugid man sa iya ni Roda Mae nga natabo kay Villavende kun sa din nagapago pa ini sa banyo apang wala man sang may mahimo bangud mangin si Magtulis ang biktima man sang pagmaltratar.

Ulihi niya nga naistorya si Roda Mae sang Enero 4 kun sa diin ginpahayag sini nga ginahulat nalang sini ang iya pasaporte.

Sa subong, nagapanawagan sang bulig si alyas Mary Joy sa mga ahensya sang gobyerno kag mangin man sa recruitment agencies nga gilayon nga aksyonan ang nasambit nga sitwasyon agud maisalbar pa si Roda Mae kag indi na maliwat pa ang natabo kay Villavende.

Nahibaluan nga indi man mapahamtang sa subong ang pamilya ni Magtulis bangud sa natabo sa iya.

Si Magtulis ang taga-Lebak Sultan Kudarat kag may duha kabilog nga kabataan.