KORONADAL CITY – Nagasinggitan sang hustisya ang pamilya sang isa ka 33-anyos nga babaye sa banwa sang Tulunan, North Cotabato matapos nga ginlugos kag ginpatay sa apat ka mga suspetsado.


Ginkilala ang biktima nga si Cary Delos Santos, may bana kag duha ka kabataan nga residente sang Purok 8, Barangay Poblacion, Tulunan, North Cotabato.


Sa interbyu sang Bombo Radyo Koronadal kay Ginang Josephine Alfonso, ugangan sang biktima, nasapwan na lamang sang iya menor de edad nga bata ang biktima nga hublas, nagapaligo na sang dugo tuga sang madamo nga pilas sa nawong kag nagkalain-lain nga bahin sang lawas sini.


Suno kay Ginang Alfonso, nagaisahanon lamang sa ila puluy-an ang biktima nga nagapanglaba sang ginsulod sang apat suno pa ka mga suspetsado.


Natabuan naman nga wala ang bana sini kag duha ka bata bangud yara sa uma sang nagluntad ang krimen.
Sa karon nagapadayon ang imbestigasyon sang mga otoridad sa apat ka mga persons of interest sa krimen.