KORONADAL CITY – Yara na sa kustodiya sa subong sang kapulisan ang tatlo ka ginapatihan nga mga miyembro sang rebelde nga NPA nga gin aresto sa isa ka checkpoint sa Barangay Lamba, Banga, South Cotabato makaligad nga maghana sang magpamomba.

Ginkilala ang mga nadakpan nga sanday Merlyn Guisan, 42-anyos, Ronald Bansil, 27 anyos kag Andy Meno 30 anyos nga lunsay mga pumuluyo sang nasambit nga lugar.

Nakuha sa mga suspek ang isa ka granada kag isa ka ring improvised explosive device (IED) nga pwede maglupok usar ang cellphone bilang detonating device.

Sa interbyu sang Bombo Radyo Koronadal kay Police Lt. Gerald Jubelag, detachment commander naghiwat sang checkpoint sa padulong sa siyudad sang Koronadal.

Suno kay Jubelag, ang mga personnel sang 5th Special Forces Batallion sang Philippine Army ang nakadakop sa mga suspek nga gilayon man nga gin turn-over sa Banga PNP.

Gin ako naman sang opisyal nga may yara sila sang may nabaton nga mga report angut sa plano nga sa pagpangharas sang mga armado nga grupo sa South Cotabato.