KORONADAL CITY – Magapatigayon sang imbestigasyon sang city government sa natukiban kag nakutkutan nga tatlo ka drum sang gasolina nga ginlubong sa likod sang city hall.

Napunggan ang posible nga pagsigabong sang nasambit nga mga gasolina nga ginsulod sa mga drum makaligad nga madiskubrihan sa likod sang city hall sang Koronadal kaina sang hapon.


Suno kay CSU Chief retired Colonel Raul Miramon nga natukiban ang nalubong nga mga drums sang gasolina makaligad nga may mag-report sa ila.


Masobra duha ka tuig na suno pa nga nalubong sa impounding area nga halos 80 metros lamang ang kalayuon gikan sa cityhall building.


Suno kay Miramon natipon ang nasambit nga gasolina gikan sa ginpatigayon nga operasyon sadto sang city government batuk sa ginabaligya nga tingi-tingi nga gasolina sa kilid sang dalan.
Matapos makutkutan, gindala ang mga ini sa sanitary landfill sang siyudad para sa proper disposal.