-- ADVERTISEMENT --

KORONADAL CITY –Nagapadayon sa subong ang damage assessment sang LGU Tboli makaligad nga nakapagkit ini sang Landslide ang lugar.

Sa interbyu sang Bombo Radyo Koronadal kay MDRRMO Mark Kim Tangcala nga tuman naapektuhan sang landslide ang Barangay Lambangan samtang ang minor nga mga landslides nakapagkit sa barangay Lambuling , :Lacunon kag iban pa nga lugar sa nasambit nga banwa.

Ang LGU Tboli may yara sang 25 nga barangay kun sa diin mabukid nga bahin ang kadam-an.

Naguba man ang mga taytay kag nagapangita man ang mga ini sang alternatibo agod makaagi ang mga residente kag ila nga produkto.

Suno sa iya, nagakahatag ang mga ini sang inisyal nga bulig kasubong sang materyales sa pagpatukod sang balay agod maka pag umpisa ang mga ini.

-- ADVERTISEMENT --

Nagpasalamat ini bangud wala sang napagkit nga casualties, kong sa diin lunsay mga gamit ang nadula ukon naguba halin naman sa kalamidad.

Plano man sang LGU nga mangita sang mga relocations Sites para naman sa mga tao nga yara sa danger zone ang ila nga puluy-an ukon kabuhi.