KORONADAL CITY – Nagapadayon sa subong ang ginahimo nga opensiba sang joint task force sang PNP kag militar sa suno pa mga supporter sang Islamic State of Iraq and Syria ukon ISIS sa probinsiya sang Sultan Kudarat.

Ini ang ginpahayag ni Sultan Kudarat PNP Provincial Director Police Senior Superintendent Raul Supiter.

Apang, gin-athag ni Supiter nga ang mga ISIS supporter nga ila nga ginalagas ang lain sa Maute group nga nag-atake sa Marawi City.

Suno pa sa iya, ang nasambit nga mga armado ang nagsaylo lamang sa Sultan Kudarat bangud man sa paglagas sa ila sang mga otoridad sa kaiping nga probinsiya sang Maguindanao.

Sa subong, wala anay ginsapubliko ang tatlo ka lugar sa Sultan Kudarat nga ginakutaan sang mga ISIS supporter.

Madumduman nga una naman nga ginpahayag ni Supiter sa Bombo Radyo nga natumod na sang mga otoridad ang kuta sang mga Mute-ISIS supporters sa Sultan Kudarat.

Kadungan sini, ginhingyo sang opisyal ang kooperasyon sang mga mamamayan kag dapat suno pa nga mangin vigilante kag gilayon nga i-report sa mga otoridad ang mga makaduluda nga personalidad nga makita sa ila nga lugar.