KORONADAL CITY – Ginbawian sang kabuhi ang isa ka 21-anyos nga lalaki matapos nga ginluthang-patay sang duha ka wala makilal-an nga suspek sa banwa sang Tupi, South Cotabato alas-12:27 kaina sang Udto.

Ginkilala ni Police Capt. Junel Rey S. Gatera, hepe sang Tupi PNP ang biktima nga si Karl Jeron C. Coniza, single, wala trabaho kag residente sang Purok 11-B, Barangay Poblacion, Tupi, South Cotabato.

Sandig sa imbestigasyon sang mga otoridad, samtang nagahampang sa iya nga cellphone ang biktima sa is aka internet café sang ginpalapitan sang duha ka mga suspek kag ginluthang usar ang caliber 45.

Gilayon naman nga nagpalagyo ang mga suspek matapos makomiter ang krimen.

Nakuha sa crime scene ang 2 ka slugs, kag 3 ka fired cartridge sang caliber 45.

Nadala pa sa Roel I. Senador Memorial Hospital ang biktima apang gindeklarar nga dead on arrival.

Sa karon, yara na sa is aka punerarya ang biktima kag natalan nga ipaidalom sa post mortem examination.