KORONADAL CITY- Dululungan nga ginpanaog sang 20 ka mga armado nga miyembro sang komunista ka rebelde nga New People’s Army ang ila mga armas makaligad nga magsungk sa mga otoridad sa probinsya sang South Cotabato.


Nahibaluan nga ginpangunahan mismo ni South Cotabato Police Provincial Director Police Colonel Jemuel Siason ang pagsungka sang mga rebelde kun sa diin nahibaluan nga naghalin pa ang mga ini sa nagkalain lain nga bahin sang rehiyon 12 nga mga katapo sang NPA Guerilla Front 73.


Dugang pa nga pila man sa mga nagsungka ang ila mga kumander kun sa diin suno kay alyas Toto, isa sa mga surrenderees, kadamuan suno pa sa ila ang mga anay mangunguma apang bangud sa kawad-an sang paglaum kag tuman nga kapigaduhon, nadesisyunan nila nga magsulod sa NPA agud makapa eskwela sang ila mga kabataan apang sa ulihi narealisar nga wala sang maayo nga bwas damlag sa armado nga kalakasan.


Kadungan sang ila pagsungka, narekober man sang mga otoridad ang mga mga matag-as nga sahi sang armas, granada kag iban pa nga sensitibo nga mga dokumento.


Makabaton man sang bulig halin sa gobyerno probinsiyal sang South Cotabato ang mga nagsungka nga rebelde kag may insentibo man nga mabaton sa kada armas nga ginsungka.