KORONADAL CITY- Naglab-ot sa 20 commercial stalls ang nasunog sang kalayo sa Tacurong City Public Transport Terminal.

Suno sa isa ka residente sa lugar nga si John Plantig, partikular nga nasunog ang area malapit sa entrance sang terminal kun sa diin nagdako ang kalayo kag gin kinahanglan pa nga responderan sang mga fire trucks sang BFP Lambayong, BFP Pres. Quirino kag BFP Isulan Sultan Kudarat agud mabuligan ang BFP Tacurong nga matapna ang kalayo.

Naglab-ot naman sa 25 minutes ang pag tapna sang kalayo kun sa diin madasig man ini nga naglapta sa mga kalapit nga stalls nga ginhimo man sa light materials.

Naglab-ot man sa second alarm ang sunog kag maswerte nga wala sang napilasan.

Sa inisyal nga impormasyon sang BFP Tacurong, naghalin sa isa ka karinderya ang kalayo makaligad maglupok ang isa ka LPG nga sa karon padayon pa nga gina imbestigaran.

Yara sa isa ka milyon naman ang ginbilin nga danyos sang nasambit nga sunog.