KORONADAL CITY- Duha ang pilason samtang 2 naman ang arestado lakip na ang isa ka Brgy. Chairman sa asud-asod nga operasyon nga ginpatigayon sang PNP sa probinsya sang Sultan Kudarat.

Una nga naarestar si Barangay Chairman Abdul Kinis Gahud sang Brgy. Lilit, Lambayong Sultan Kudarat sa ginpatigayon nga search warrant operation angot sa illegal drugs sang gin-tingob nga pwersa sang Regional Mobile Force Battalion kag Lambayong PNP.

Nakuha sa posisyon ni Gahud ang di lisensyado nga cal. 45 kag mga bala.

Samtang 2 naman ang yara sa kritikal nga kondisyon sa pag-implimentar sang Search Warrant makaligad magbato sa mga otoridad.

Ginkilala ang mga suspek nga sanday Effren Sanchez residente sang Purok 4, Barangay Tumiao, Lambayong Sultan Kudarat at Cylon Mulod alyas “Mistah” nga residente sang Purok Pag-asa, Lambayong Sultan Kudarat nga may kaso nga murder kag number 1 most wanted person sa nasambit nga lugar.

Narekober sa posisyon sang mga suspek ang 7 ka pakete sang shaby, cal. 45 armas kag mga bala.

Narekober man sa puluy-an ni Sanchez ang 3 ka medium size shabu, 1 ka sako sang mga plastic sachet kag 300 nga mga bala sang M16 armalite riffle.

Nangin madinalag-on ang search warrant operation sang Regional Mobile Force Batallion kag Tacurong PNP batuk kay Richard Jaro Palomillo kun sa diin narekober sa puluy-an sini ang isa ka M1 Garand Riffle, 1 Shot Gun, 1 cal 45, kag 2 ka granada.

May yara man sang standing warrant of arrest si Palomillo sa paglapas sa RA 9262 o ang “Violence Against Women and Children”.