-- ADVERTISEMENT --

KORONADAL CITY – Gin paidalum sa state of calamity ang duha ka barangay sa banwa sang Surallah, South Cotabato bangud sa mataas nga kaso sang dengue.

Ini ang ginkompirmar ni MDRRMO Leonardo Ballon sa banwa sang Surallah sa interbyu sang Bombo Radyo Koronadal.

Suno kay Ballon, nagsaka pa subong nga tuig ang napagkit nga kaso sang dengue sa Barangay Buenavista kag Barangay Libertad sa nasambit nga banwa kong iga kumparar sadtong nagliligad nga tuig nga nangin balasehan sa pagdeklarar nga state of calamity.

Sa subong, nagapadayon ang clean up drive kag fogging activities sa nabanggit nga mga barangay agod mapatay ang mga gina istaran sang lamok kag indi na nagadamo

Magluwas diri, nagpatigayon man sang hinali nga information drive ang Surallah LGU agod ipalab-ot sa mga residente ang peligro nga tuga sang balatian

-- ADVERTISEMENT --

Kaangot sini, naga panawagan man ang opisyal nga indi nagakaangay nga balewalaun ang dengue subong nga yara sa Covid-19 pandemic ang pungsod.