-- ADVERTISEMENT --

KORONADAL CITY-Tigayon nga gin-anod ang tubig ang 2 ka balay sa bahin sang Purok Upper Libertad ,Barangay Topland ,Koronadal City bangud sa asud-asud nga pag-ulan.

Ini ang ang kumpermar ni Cyrus Urbano, Koronadal City Disaster Risk Reduction and Management Officer sa ekslusibo nga interview sang Bombo Radyo Koronadal.

Suno sa iya,bangud ulan nga wala sang untat kahapon, naghumok ang lupa sa kilid sang sapa kag natipahag ini bangud sa madasig man nga pagragasa sang tubig sa amu nga sapa kabangdanan nga nahulog ang 2 ka balay nga ubra sa mga light materials gid lamang.

Maswerte naman nga wala sang naulamid sa pagka-anod sang 2 ka balay bangud nakabantay man ang pamilya nga naga puyo sa amu nga mga balay.

Magluwas pa sa 2 ka balay nga naanod, duha-duha man nga maanod man ang 2 pa ka balay bangud sa padayon nga pag tiphag sang duta.

-- ADVERTISEMENT --

Suno kay Urbano, malapit gid sa bibig ka sapa ang mga nagkaraanod nga balay, kabangdanan nga nadala gid ang mga ini sang tubig.

Nagpaalinton naman ang opisyal nga indi dapat puy-an sang mga residente 20 metros halin sa mga lawas sang tubig ukon sapa bangud mangin prone ang mga ini sa baha.