-- ADVERTISEMENT --

KORONADAL CITY – Nagapaayo na subong sa South Cotabato Provincial Hospital ang isa ka 18-anyos nga lalaki makaligad nga naghana nga maghikog paagi sa pag-inom sang bleach sa Barangay Kemato sa banwa sang T’boli, South Cotabato.

Ginkilala sang mga otoridad ang biktima nga si alyas Martin nga pumuloyo sang Barangay Lambuling sa banwa sang T’boli South Cotabato.

Sandig sa pahayag sang iya nga abyan nga si Fever, kapaslawan sa paghigugma ang isa ka kabangdanan nga ginhana ni Martin nga utason ang iya nga kaugaligon sini nga kabuhi.

Dugang pa ni Fever, ginhimo sang biktima ang pag-inom sang bleach sa  isa ka balay nga wala sang iban nga tawo.

Maayo lamang kay nakita naman ini sang iya nga mga barkada kag gilayon nga gindala sa balay bululngan kag tigayon nga naluwas sa peligro.

-- ADVERTISEMENT --