KORONADAL CITY – Tigayon nga nagsungka sa kapulisan ang 15 ka mga miyembro sang New People’s Army sa siyudad sang Koronadal.

Sa nasambit nga mga surenderees, 3 sa mga ini ang mga high ranking officials nga ginalakipan sang platoon leader, squad leader, kag vice commander.

Boluntaryo suno pa nga nagsungka ang mga ini sa Koronadal City PNP kun sa diin kadam-an sa ila ang yara sa idalom Guerilla Front 73 kag lunsay mga indigenous people.

Ila man nga gindala ang duha ka armas nga ginalakipan sang isa ka shotgun kag kalibre 22 nga rifle.

Sandig sa panaysayon sang mga ini, kakapoy, kagutom, kag handom nga makaupod ang ila mga mahal sa kabuhi ang pila sa mga rason sang ila pagsungka.

Kasamtangan subong nga yara sa South Cotabato ang mga ini kag nagapaidalom na sa proseso sa pagbaton sang benepisyo.