-- ADVERTISEMENT --

KORONADAL CITY-Pilason ang 13 ka tao makaligad nga maulamid ang mga ini sa isa ka disgrasya sa dalanon ang 3 ka mga salakyan sa kalabaon sang National Highway,Purok 5 Luayan, Brgy. Dumadalig, Tantangan,South Cotabato.

Ginkilala sang Tantangan MPS ang pilason nga sanday Benjamin Ferrer,57 anyos may asawa kag residente sang Brgy. Dumadalig ,Tantangan South Cot. nga driver sang tricycle, Jonathan Daclis,39 y/o,nga residente sang Koronadal kag naga maneho sang HI-ACE van lakip na ang mga pasahero sini sa sanday:


⦁ Brayan Lozarita,21 y/o nga residente sang Koronadal,South Cotabato
⦁ Jasson Jun Magdael,31 y/o nga residente sang Makilala,North Cot.
⦁ Ruth Baravilla,22 Y/o nga residente sang Esperanza,Sultan Kudarat
⦁ Bryan C. Ramos 18,y/o nga residente sang Koronadal
⦁ Heraclene Laman,19 y/o nga residente sang Esperanza,Sultan Kudarat
⦁ Imelda Vicente,49 y/o nga residente sang Tantangan ,South Cot.


Samtang pilason naman man sandayHadji Abdulsalam Abdulrahman Mohammad,Mamasapano Maguindanao nga driver sang Mitsubishi Montero kag mga sakay sini nga sanday:

-- ADVERTISEMENT --


⦁ Abdulrahman Akira Gampong, nga residente sang Datu Abdullah Sangki,Maguindanao
⦁ Aleya Malbel Mohammad,nga residente sang Datu Abdullah Sangki,Maguindanao
⦁ Jainab Barakat Usman,nga residente sang Datu Abdullah Sangki,Maguindanao
⦁ Norhata Saluag,nga residente sang Datu Abdullah Sangki,Maguindanao


Sa ekslusibo nga interview sang Bombo Radyo Koronadal kay Manong George Medir, first responder sa nasambit nga aksidente, madasig suno pa ang pagpadalagan sang Mitsubishi Montero nga halin sa direksyon sang Koronadal padulong sa direksyon sang syudad sang Tacurong sang hinali nga nag “U” turn ang tricycle nga ginasundan sini.

Ginhingagaw pa nga makalikaw sang Mitsubishi Montero sa tricycle apang nasangit nya gihapon ini, makaligad nga nasangit ang tricycle, nadulaan na sang kontrol ang Mitsubishi Montero kag nag diritso sa pihak nga linya kag nasugata ang isa ka pampasahero nga van nga halin sa Tacurong City kag padulong sa Koronadal. Sa kakusog sang impact ,bangud sa head-on-collision, gupi ang atubangan nga parte sang Hi-Ace Van kag Montero , buka man ang mga salamin sang mga ini.

Madasig namn nga gin responderan sang mga otoridad ang mga pilason nga pasahero kag gindangat sa balay bululngan. Masuwerte naman nga wala sang may napatay sa amu nga aksidente kag sa subong naga paayo na ang mga pilason.

Naga padayon naman ang imbestigasyon sang mga otoridad sa nasambit nga aksidente.