-- ADVERTISEMENT --

KORONADAL CITY – Hingyo sa karon sang nabilin nga pamilya ni Bombo Bart Maravilla nga madakpan na ang yara sa 75 ka mga “at large” nga suspek sa Maguindanao Massacre kadungan sang ika-12 ka tuig nga anibersaryo sang makasiligni nga krimen.

Ini ang ginpahayag ni Jhan Chiene Maravilla, bata ni the late Bombo “Bart” Maravilla isa sa 58 nga biktima sang massacre sa interbyu sang Bombo Radyo Koronadal.

Suno kay Maravilla, mas mangin malinong kag mapahamtang lamang sila kun ang kabug-usan nga hustisya na ang mahatag kag madakpan ang mga nagapanago pa nga mga suspek sa krimen.

Indi man suno pa makumpleto ang hustisya tubtob indi pa mapreso ang mga ini.

Samtang, indi kasubong sang kinaandan indi tanan nga himata ang nagibisita sa Sitio Masalay, Barangay Salman, Ampatuan Maguindanao kundi limitado lamang samtang ang iban sa lulubngan na lamang sang ila mga mahal sa kabuhi.

-- ADVERTISEMENT --

Ang pamilya Maravilla ang nagbisita man sa Koronadal Eternal Garden sa siyudad sang Koronadal kun diin ginlubong si Bombo Bart kun diin nagsindi ang mga ini sang kandila, maghalad sang bulak kag pangamuyo.