KORONADAL CITY – Ginalauman ang mga pamilya sang mga biktima sang Maguindanao massacre nga tigayon na nila nga maangkon ang ginahandom nga hustisya, kadungan sang ika-11 anibersaryo sang makaringidlis nga insidente subong nga adlaw.

Ini ang nangin pahayag ni Jhan Chienne Maravilla, bata ni Bombo Ernesto “Bart” Maravilla, nga isa sa mga biktima sang makahulunusbo nga masaker, sa interbyuu sang Bombo Radyo Koronadal.

Suno kay Jhan Chienne, nagalaum sila ngamga pamilya sang mga biktima sang masaker nga maangkon na ang bug-os nga hustisya ilabi nga partial pa lamang suno pa ang ila nga nakuha sa hearing batuk sa mga suspek sadtong Disyembre 19, 2019.

Aminado man ini nga tubtub sa subong, apisar nasilotan na nga mapreso ang kadam-an sa mga suspek nga naulamid saa masaker, indi sa gyapon malipod nga makabatyag pa gyapon sila sang kabalaka kag kahadlok para sa ila nga seguridad, ilabi na nga may iban pa nga mga suspek nga nagapbilin kag at large samtang ang iban ang ginpahilway.

Sa pihak sini, nagapanindugan ini nga padayon nga makipagbato agud maangkon ang hustisya nga ila ginalauman.

Nagpasalamat man ini sa mga padayon nga naga suporta saila nga pakigbato.

Kun madumduman, 58 ang napagkit nga ginbawian sang kabuhi sa nasambit nga masaker kalakip na ang ti-ayon kag bata ni anay Buluan kag subong Cong. Esmael “Toto” Mangudadatu kun sa diin 32 dire ang mga mamamahayag.