KORONADAL CITY – Patay ang isa ka preso samtang pilason naman ang isa pa sa nagluntad nga pagpamuno sa sulod sang South Cotabato Provincial Jail.

Sa interbyu sang Bombo Radyo Koronadal kay Provincial Jail kay Felicito Gumapac, ginkilala sini ang mga biktima nga sanday Mark Anthony Cuñacao nga may kaso nga ilegal nga droga kag Rolando Anas.

Sandig sa inisyal nga imbestigasyon, nakaangkon sang mainit nga pagbaisanay ang mga biktima kag ang suspek nga si Mario Caong sang hinali nga ginbuno sang suspek ang duha usar ang kawayan nga patalom.

Gindangat sa ospital ang duha ka mga persons deprived of liberty apang tigayon nga ginbawian sang kabuhi si Cuñacao samtang nagapaayo naman sa iya mga pilas si Onas.

Sa subong ginbutang sa isa ka selda nga wala sang mga kaupod si Caong.

Nahibaloan nga ang nasambit nga suspek ang may kaso nga murder kag miyembro sang indigenous people (IP).

Nagapadayon naman ang imbestigasyon sang mga warden kasunod sang natabo.